Yansanda a Abu Dhabi, babban birnin Haɗeɗɗiyar Daular Laraba (UAE), sun sanar da kama fiye da mutum 100 a kan tuhumar ɗaukar hotuna ko bidiyo na bogi da ke da alaƙa da yaƙin da ke gudana a Gabas ta Tsakiya, musamman na Iran.

Wannan mataki ya biyo bayan kama mutane sama da 300 a Qatar kan irin wannan laifi, inda Bahrain da Kuwait ma suka sanar da kama mutane kan irin wannan zargi. Isra’ila kuma ta kafa hukuncin ɗaurin shekaru biyar ga duk wanda aka samu ya wallafa bayanan karya game da ɓarnar da Iran ke yi mata.

Tsaftar Bayani a Lokacin Rikici

Masana a fannin tsaron ƙasa da sadarwa suna ganin wannan tsauraran matakai na ƙasashen na da nufin dakile yaɗuwar bayanan da ba su da tushe wanda zai iya ƙara tabarbarewar halin da ake ciki.

Muhammad Qaddam Siddiq ya yi sharhi game da wannan lamari, yana mai cewa waɗannan matakai suna da muhimmanci wajen hana yaɗuwar ƙarya da kuma tsare zaman lafiya a yankin.

Don jin cikakken bayani daga Muhammad Qaddam Siddiq, ana iya danna alamar sauti da ke ƙasa.